點解？做乜？

港人如果有留意，會發現用廣東話問「為甚麼」有兩個說法，可以用「點解」或者「做乜」，例如：

1. 你今日點解遲到？／你今日做乜遲到？（你今天為甚麼遲到？）
2. 唔知點解成個人好冇精神。／唔知做乜成個人好冇精神。（不知為甚麼整個人很沒精神。）

表面上看，兩個似乎沒太大分別，不過，若從語義角度看，「點解」比較中性，不帶太多個人感情，所以用「點解」的頻率遠遠多於「做乜」，雖然如此，「做乜」有時隱含不耐煩的意味，有利於情感的宣泄，用法和普通話的「幹嗎」差不多，所以有些情況用「做乜」比「點解」更適合語境，例如：

1. 做乜你次次都係咁，下次醒少少得唔得？（幹嗎你每次都是這樣？下次聰明一點可以嗎？）

若說「點解你次次都係咁」，聽起來責怪的意味不太濃。

2. 做乜個個都知，淨係我唔知？（幹嗎每個人都知道，只有我不知道？）

若問「點解個個都知，淨係我唔知？」，看來當時的心情也不太壞呢。

相反來說，也有一些情況不適宜用「做乜」，否則會弄巧反拙，例如女生向男生撒嬌時，不同的用詞會有不同的效果：

阿珠：點解你會鍾意人嘅？（為甚麼你會喜歡人家呢？）

一個含羞答答的少女，容易博得愛郎的歡心。

阿玉：做乜你會鍾意人嘅？（幹嗎你會喜歡人家呢？）

好像在質問對方，女生切勿模仿，不然會嚇走愛郎。