超乎想像的「佢」

「佢」在廣東話的用法其實超出很多人的想像以外。

我們平時如果想命令或要求人做事，會用「佢」來作代詞，替代一些物品，例如：

「同我做哂啲功課」=「同我做哂佢」

這個「佢」可以替代可數的單數物品，例如：

「食哂隻雞蛋」=「食哂佢」

也可以替代不可數的物品，例如：

「飲哂成碗湯」=「飲哂佢」

甚至可以替代複數的物品，例如：

「煮哂啲番茄」=「煮哂佢」

即使有很多番茄，而「佢」明明是單數，但我們不會說「煮哂佢哋」，因為廣東話的「佢哋」有明顯的生命象徵，替代人或動物都可以，卻不能用於死物。

此外，「佢」還有個很奇怪的用法，有沒有發覺，口語上即使保留原有的物品，但我們仍然情不自禁地用「佢」，上面第一個例句，我們通常會這樣說：

「同我做哂啲功課佢」

這個用法奇怪在明明已經講清楚是「功課」，但我們還是喜歡在後面加上「佢」，這個「佢」不再是替代「功課」，那究竟有何作用呢？比較「同我做哂啲功課佢」和「同我做哂啲功課」，多了一個「佢」聽起來更具威力，所以「佢」的作用應該是加強語氣，這個「佢」出現的頻率非常高，我們幾乎用到「欲罷不能」，例如：

「食哂成碗飯佢」

「清哂啲垃圾佢」

「洗哂啲衫佢」

「執好間房佢」
「熄哂啲燈佢」

「換哂啲傢俬佢」